வடகிழக்கு ஆயர் பேரவையின் கல்விக்குழுவுக்கு புதிய தலைமை நியமனம்

கவுகாத்தி, ஜூன் 25, 2025: வடகிழக்கு ஆயர் பேரவையின் கல்விக்குழுவுக்கு புதிய செயலராக அருள்தந்தை டாக்டர் பால் புதுச்செரி நியமிக்கப்பட்டுள்ளார். இதுவரை செயலராக சுமார் 10 ஆண்டுகள் பணியாற்றிய அருள்தந்தை டாக்டர் அமல்ராஜ் அவர்களிடமிருந்து இப்போது தலைமை மாற்றம் நடைபெறுகிறது. 

இந்த நிகழ்ச்சியில் கவுகாத்தி பேராயர் டாக்டர் ஜான் மூலச்சிரா மற்றும் திபூ ஆயர் டாக்டர் பால் மத்தேகட் ஆகியோர் கலந்து கொண்டு நல்வாழ்த்துகளைத் தெரிவித்தனர். இது போன்ற மாற்றத்தின் போது, 20 ஆண்டுகளுக்குப் பிறகு முதன்முறையாக, செயலருடன் மேலும் நான்கு உறுப்பினர்கள் சேர்க்கப்பட்டுள்ளனர். 

புதிய உறுப்பினர்கள்:

• அருள்சகோதரர் சைமன் கோல்ஹி (St. Edmund’s College)

• அருள்சகோதிரி மொல்லி தாமஸ்

• கவுகாத்தி மறைமாவட்டத்தைச் சேர்ந்த அருள்தந்தை அலெக்ஸ் கல்யதினால்

• துரா மறைமாவட்டத்தைச் சேர்ந்த அருள்தந்தை தோமஸ் பெருநிலம்

புதிய குழுவினர், ஆர்ச்சிபிஷப் டாக்டர் ஜான் மற்றும் ஆயர் டாக்டர் பால் ஆகியோர்களுடன் சந்தித்து எதிர்கால திட்டங்களைப் பகிர்ந்தனர். அருள்தந்தை பால் மற்றும் அவரது குழு, வடகிழக்கில் கல்வி மேம்பாட்டை உறுதியாக செயல்படுத்த நம்பிக்கையுடன் உள்ளனர்.

இந்நிகழ்வில் வடகிழக்கு சமூக மைய இயக்குநர் அருள்தந்தை அனில் மற்றும் திருச்சபை ஒற்றுமைக்கான செயலாளர் அருள்தந்தை மங்கட்டுத்தாழே ஆகியோரும் பங்கேற்றனர்.

— அருள்தந்தை கம்பன் சின்னம், நேஸ்காம்